29.03 – 01.04.2015

Jeee äntli wider chli Empfang;-)

Am 29 März simmer vo Sydney uf Melbourne zur Familiä gfloge. Nachemne churze agnäme Flug simmer vo dr Tante Hanne und ihrem Maa em Alfred am Flughafe abgolt  am worde.

Vom Flughafe im Melbourne bis nach Sunshine sis ca. 20 Minute gsi zum Fahre. Si wohne würkli schön und si mache alles für uns;-)

Am erste Tag in Melbourne het uns d‘Tante Hanna mol chli zeigt wie me vo A nach B chunt und au in Melbourne sin dÖV wunderbar erschlosse.

I dr Stadt acho simmer zerst s‘ SEA LIFE go aluege sind uf dr Eureka Tower und am Schluss no in dr wunderschöni Botanische Garte.

Für dr nexti Tag händ mr scho chli grösseri Plän ka. Philipp Island isch s‘Ziel gsi. PI isch bekannt für die chlinste Pinguin uf dr Wält. Jede Tag, wenns dunkel wird, chömme si us em Meer, watschle am Strand entlang, dHügel duruf zur ihrne Näschter. Au susch isch d‘Insle bekannt für schöni Wanderige, Koalas, Walabees und ganz viel anders Wildlife.

Also Hotel buecht und am nexte Morge isch es den au scho los gange. Will mr nit händ welle mit 1000 Schiiiiinesen ine Reisebus hogge so simmer mit de ÖV gange. Ca. am 14.00 uf dr Insle acho und händ schnäll gmerkt dass es ohni Auti gar nit so  eifach isch zum sich z‘ bewege. Da mir aber dr Fahruswiis vergässe händ hets halt zwei Velo ge. 😉

Dr WIldlifepark uf dr Insle isch wältklass. D‘Tierli hüpfe frei ume und me chase füetere was ich super gfunde ha…dr Dani het chli schiss ka vo de grosse Kängurus;-)

Zobe händ mr ebbe zu dene Pinguins welle aber ohni Auti und nur mit Velo fast unmöglich… Was tun? Ab ist Infocenter: Die liebe Lüt händ uns für zobe e Mitfahrglägeheit organiesiert  wo sich als RIIIISE VOLLTRäFFER usegstllt het. D’Kirsty het uns mitemne 11er Bus bim Hotel abgholt. S‘Beste isch gsi…. Mir sind ganz elei gsi und händ so e privati Tour ka mit dr Kirsty wo  würklich es Highlight gsi isch. Si het uns viel Tipps chönne ge, het uns einiges über d‘Insle verzellt und het uns zobe dr besti Platz für die Pinguinparade zeigt.

Denn am 20.00 isch es losgange. Die chleine härzige Pingus sind us em Wasser cho uns händ mit ihrne chleine Fiessli unheimlichi Streckene zruggglegt.  Mir sind ufere Art Holzsteeg gstande und die sind dört undedure gwatschlet so simmer rächt nöch an si ane cho;-) Eifach unglaublich so öpis chönne zerläbe. Fötele isch verbote gsi und es het sich jede dra ghalte, sogar die Schiiiinesen!

Am nexte Tag, händ mr dr schöni Morge usgnutzt und si mit em Velo uf Rhyll gfahre. Dört händ mr e Rundi in de Mangrovewälder dreit. Was am Morge so schön isch, isch die Rueh… mä khört d’Vögel, d’Frösch und me nit. Sisch wunderschön gsi und s’früe ufstoh het sich sehr glont;-)

Am 10.30 het uns den dKirsty abotte dass si uns abholt und uf Waloomai bringt wo mr die nexti Wanderig gmacht händ, dasmol dr Küste entlang. D’Sunne isch erbarmigslos gsi, zum Glück hets dr Küste entlang immer chli Wind ka dä hets chli erträglich gmacht.

So isch den au dr zweiti Tag uf dere Insle z‘änd gange. Sehr gärn wäre mr no ei, oder sogar zwei Nächt länger blyybe aber zobe isch dr Räst vo dr Familiä zu uns go ässe und das händ mr nit welle verpasse! Sisch absolut gmietlich gsi! S’erste BBQ händ mr ka, notürli mitemne guete Wyy